Saan Kaya Tayo Ngayon Nanahan At Sino Ang Ating Kasakasama? Juan 10
Juan 10:1-5 Magandang Balita Biblia
1“Tandaan ninyo ito: ang pumapasok sa kulungan ng mga tupa nang hindi sa pinto nagdaraan, kundi umaakyat sa di dapat pagdaanan ay magnanakaw at tulisan. 2 Ngunit ang nagdaraan sa pintuan ay siyang pastol ng mga tupa. 3 Pinapapasok siya ng bantay, at pinapakinggan ng mga tupa ang kanyang tinig. Tinatawag niya ang kanyang mga tupa sa kani-kanilang pangalan, at inilalabas sa kulungan. 4 Kapag nailabas na, siya'y nangunguna sa kanila at sumusunod naman ang mga ito sapagkat kilala nila ang kanyang tinig. 5 Hindi sila susunod sa iba, kundi tatakbong palayo, sapagkat hindi nila kilala ang tinig ng iba.”
KULUNGAN NG MGA TUPA- presensiya at kalooban ng ating Dakilang Diyos AMA.
BANTAY- Panginoong Hesus
PINTUAN - (Juan 10:7 & 9) 9 Ako ang pintuan. Ang sinumang pumapasok sa pamamagitan ko'y maliligtas. Papasok siya't lalabas, at makakatagpo ng pastulan.
PASTOL- (Juan 10:11,14-15) “Ako ang mabuting pastol. Iniaalay ng mabuting pastol ang kanyang buhay para sa mga tupa.
MGA TUPA- Sinabi nga mismo ng Panginoong Hesus na Siya ang pintuan at Siya rin ang mabuting pastol dahil dito maiintindihan rin natin kung sino ang Kanyang mga tupa?
Kanino ba inalay ng Panginoong Hesus ang Kanyang buhay? Di po bas a ating lahat?
Dahil dito, maliwanag na tayo ang tinatawag ng Panginoon Hesus na Kanyang mga tupa. At napakahalagang maiintindihan rin natin at masisiguro na kung tayo ba talaga ay napabilang na sa mga tupang nakapasok na sa pintuan ng mabuting pastol. Mga kaugaliang dapat alamin natin mismo sa ating mga sarili kung tayo ba ay nakikinig sa Kanyang? Naririnig ba natin ang tinig Niya? Kilala ba natin Siya ng personal? At higit sa lahat sinusunod ba natin Siya?
Dahil ang sa bi ni Hesus sa Juan 10:27 Nakikinig sa akin ang aking mga tupa; nakikilala ko sila, at sumusunod sila sa akin.
Bakit kailangan nating kilalanin at sundin ang mabauting pastol at kanyang pintuan lamang tayo dapat papasok?
Tandaan natin ito, bilang mga tupa ng Panginoon dapat tayong mag-iingat, dahil kung saan ang kulungan ng mga tupa andoon din ang mga:
1. Magnanakaw at tulisan- Sila ang mga magnanakaw,maninira at pumapatay. Hindi lamang ito literal na katangian nila, bagkus maging sa epiritwal na buhay natin ay may kapangyarihan silang sirain ang mga kaluluwa natin kung hindi tayo mag-iingat at mananatili kasama ang nag-iisang mabuting pastol.
2. Meron din upahang pastol na walang malasakit tumatakas kapag may kapahamakan- Sila yung mga taong mapagkunwaring pastol ngunit para lamang sa kanilang mga personal na interest ang kanilang ginagawa at hindi para sa Diyos.
3. Mga asong gubat- Mga kampon ng mga kasamaan na dapat palagi tayong nakatago sa tahanan ng mga tupa kasama ang mabuting pastol.
Nawa ay huwag nating pagtakpan ang ating mga tainga, huwag magbubulagbulagan at huwag higit sa lahat huwag patigasin ang ating mga puso katulad sa mga nangyayari noon sa mga judio. Imbis na makinig at maniwala kay Hesus mas pinili isarado ang kanilang isipan at patuloy na itinakwil ang katotohanan.
Dapat nating maintindihan ang kahalagahan ang PANGINOONG HESUS sa buhay nating lahat. Sa Kanya lamang nakasalalaya ng ating lubos na KALIGTASAN.
Sabi ng PANGINOONG HESUS sa Juan 10:10
Dumarating ang magnanakaw para lamang magnakaw, pumatay, at manira. Naparito ako upang ang mga tupa ay magkaroon ng buhay, buhay na masaganang lubos.
Sama-sama tayong manalangin:
Mahal na Panginoong Hesus,
Lumalapit kami sa Iyo ngayon nang may matinding pananabik sa aking kaluluwa. Hindi ko lamang nais na makilala Ka sa pamamagitan ng mga kuwento o kasaysayan; nais rin naming makilala ka nang personal, malalim, at may malapit na kaugnayan. Pagkalooban Mo kami ng espiritu ng karunungan at paghahayag upang mas maunawaan namin ang Iyong puso. Buksan Mo ang mga mata ng aming puso upang makita ang Iyong kaluwalhatian sa mga pang-araw-araw na bagay. Sa gitna ng maingay at madilim na mundo, tulungan Mo kaming patahimikin ang aming isipan ng may kaliwanagan at kakayanang kilalanin ang Iyong mahinahong tinig. Pag-alabin Mo sa aming lahat ang bagong sigla at pagnanais na maglaan ng panahon sa Iyong Salita at sa panalangin. Tulungan Mo rin kaming talikuran ang mga makasariling hangarin upang mas masunod namin ang iyong napakagandang kalooban. Ilapit Mo ako sa kami sa Iyong piling, ituro Mo sa amin ang Iyong mga pamamaraan, at hayaang lalong tumibay ang aming pagmamahal at pananampalataya sa Iyo sa bawat paglipas ng araw.
Sa Iyong banal na Pangalan na si Hesus kami nanalangin. Amen!
Comments
Post a Comment